SiBophelelo semiSebenti
LuCwebu lwekutiPhatsa lweluphiko lwemiSebenti yemaKhasimende
Siphokophelele kuniketa ngemisebenti lesezingeni leliphakeme kakhulu kumhlabawonkhe!"
Kungani sibe neliSu leliHlanganisele lemiSebenti leseZingeni leliPhakeme kaKhulu?
Kwenetiseka ngemazinga esimo umuntfu lativa akuso ngemuva kwekucatsanisa kusebenta kwemikhicito macondzana naloko umuntfu lakulindzele."
SiTatimende seMbono
Kuniketa ngemiSebenti leseZingeni leliPhakeme kaKhulu kumhlabawonkhe.
SiTatimende seMgomo
Kunconota lizinga lekwetfulwa kwemisebenti leniketwa emakhasimende etfu ngekugucula kubuka kwebantfu betfu kusuke ekubeni ngulokumayelana nemali ngekwendalo kuye kuloko lokunakekela likhasimende ? ngekwenta njalo khona sitawuhlangabetana siphindze sengce loko lokulindzelwe ngemakhasimende eliBhangi kanye nemisebenti yalo.
Sibopho
Umsebenti losezingeni leliphakeme kakhulu nguloko lesetama kukuniketa kona ngaso sonkhe sikhatsi, ngobe siyati kutsi umsebenti losezingeni nguloko lokulindzele kuBhangi leMhlaba. Uma ujabulile ngelusito lolutfole namuhla, sicela utjele umngani wakho. Uma kungenjalo, sicela watise umCondzisi weliGatja lakho. Ngakulolunye luhlangotsi ungachumana nelitiko letfu lemisebenti yemakhasimende ku: 0800 00 52 59."
Kuye kwabaluleka kakhulu kutsi sibukane nekugcina emakhasimende. Lendlela liBhangi leMhlaba litawugcina ngayo emakhasimende alo ngukutsi lente umsebenti loncono ekuhlangabeteni nasekwenetiseni tidzingo temakhasimende.
Esikhatsini lesengcile liBhangi leMhlaba belinesimo lesicishe sibe ngugodlelakusakhe, futsi akukho imitamo lekhetsekile lebeyentiwa kutsi kujatjuliswe emakhasimende. Namuhla, liBhangi leMhlaba lincintisana nemabhangi etekuhweba ngemakhasimende. Lamakhasimende aneluhla lolubanti lwemikhicito netinsita lapho anekutikhetsela khona. Emakhasimende anamuhla sekafundze kakhudlwana futsi anetimfuno letinyenti. Kulindzela kwawo emazinga kuye kwakhushulwa kuniketwa kwemikhicito netinsita letisezingeni.
Uma liBhangi leMhlaba litawugcina emakhasimende alo nesimo salo emkhakheni wetemnotfo, kudzingeka umcondvo lomusha wetekuphatsa, njengobe kutawuba tinkapani letinakekela emakhasimende kuphela letiphumelelako, leto letitawuniketa linani lelisezingeni kumakhasimende ato lahlosiwe. Kungetulu kwemsebenti weLitiko letekuKhangisa nekuTsengisa kugcina emakhasimende.
Litiko letekuKhangisa lingaphumelela kuphela etinkapanini letinematiko nebasebenti labacecesheke ngalokufanelekile ekwakheni nasekusebentiseni luhlelo loluncintisekako ngekwelizinga lekwetfula imisebenti yemakhasimende.
Loko lokungalinganiseki, akukhoneki kuphatseka. Khona sitawukwati kuklomelisa basebenti betfu ngekuniketa imisebenti ngekulandzela imikhakha yekusebenta lesembili, kumele sikwati kulinganisa kwetfulwa kwemisebenti nelizinga.
Sitsandza kumema bonkhe basebenti kutsi batimbandzakanye kuleSiBophelelo semiSebenti seliBhangi leMhlaba. Kutimbandzakanya kwakho kuloluCwebu lwekutiPhatsa kubalulekile kumphumelelo yeliBhangi leMhlaba.
Ngabe iyini imiSebenti leseZingeni leliPhakeme kaKhulu?
Kusho kushiya konkhe kudzimate kusonjululwe inkinga yelikhasimende. Kufaka ekhatsi ?kwedlulela lapho kulindzeleke khona?. Kwenta tintfo letincane letengetiwe letingekho kunchazelo yemsebenti wakho, lokwengetiwe labanye labangakwenti. Konkhe kumayelana NEMOYA WEKWENTA. Ube nekutimisela, ugcugcuteleke, ukhutsale futsi ube nemdlandla. Mayelana nekutsi njalo wente lokungetulu kwemandla akho. Kumayelana nekutsandza umsebenti wakho kanye nekutigcabha ngaloko lokwentako. Kumayelana nekutigcabha ngekusebentela liBhangi leMhlaba.
Ngabe siyini SiBophelelo semiSebenti selliBhangi leMhlaba?
SiBophelelo semiSebenti sicuketse ?njani? na-?kungani? wekuniketwa kwemisebenti yemakhasimende lesezingeni leliphakeme. Ngekulandzela letinkhomba, utawukwakha sipiliyoni lesitsandzekako nalesijatjulelwako kubasebenti nakumakhasimende ngalokufanako.
SiBophelelo semiSebenti siyimanuwali yakho yekwetfula imisebenti yemakhasimende ?ngekuvela kwebuso bakho?. Lomunye wemigomo yelisu yeliBhangi leMhlaba kwenta kube nekuchukumiseka ngalokufanelekile kweliZinga leMphilo lawonkhewonkhe. Wena, njengeliNcusa leliBhangi, unelitfuba lelivelele lekuba yincenye yekugucula lapho bantfu bayophelela khona! Uyincenye yekuphumelelisa emakhono ebantfu ngekuniketa kwesekela ngetimali lokufanele emaphusheni abo! Umgomo wetfu awusiko kuphela kunaka kutfutfuka kwangephandle kwemakhasimende etfu, kepha nekutfutfuka kwangekhatsi kwebasebenti betfu. LesiBophelelo sitakusita ekutfutfukeni ube ngumuntfu lonakekelako ngemakhasimende futsi lonakekelako ngemsebenti.
Sitsandza kugcugcutela bonkhe basebenti beliBhangi leMhlaba kutsi balandzele lamaphutu lahleliswe lapha ngentasi. Asikhutsatane futsi sigcugcutelane ngalelo nalelo langa, kungabi kuphela ekutseni sisebente ngetulu kwemandla etfu, kepha siphindze sisabalalise umdlandla wetfu loshisekelako ngendlela lesibukana ngayo nemphilo nemsebenti!
Timiselo temisebenti tabo bonkhe basebenti
KUCHUMANA NEMAKHASIMENDE: UBUSO NEBUSO /KUKHULUMISANA
Yemukela onkhe emakhasimende ngekunonopha lokungaphumeleleka ngekuchumana ngemehlo bese umoyitela. Uma ungaphumeleli kusita lelikhasimende masinyane, yatisa kutsi utawubanaka ngekuphutfuma lokungaphumeleleka.
Bingelela onkhe emakhasimende lasendzaweni yekulindza, kungakhatsaleki kutsi nguwe lotawasita nobe kungasinguwe, ubute kutsi ngabe sekasitiwe nekutsi ngabe ikhona indlela longasita ngayo. Uma sewulungele kusita emakhasimende, moyitela, ubingelele ngekutsi ?sawubona?, ucolise ngekubalindzisa bese uyatetfula ngekusho ligama lakho. Kwenta sibonelo, "Sawubona, ngiyacolisa ngekukulindzisa. NginguZandile (nobe Nkst Dlamini), ngabe ngingakusita ngani namuhla?" Sebentisa lulwimi lwemtimba neliphimbo lelivi lelifanelekile.
Tfola ligama lelikhasimende futsi ulisebentise ngekuvama ekukhulumisaneni kwenu. Cinisekisa kutsi uliphimisela kahle.
Ngena eticatfulweni telikhasimende ngekucocisana nalo kafishane uma kuphumeleleka. ("Libalele kamnandzi namuhla lapha ngaphandle, ubona njani?")
Bonisa sitfombe sebucwepheshe futsi ugcine simo lesinekutimisela ngaso sonkhe sikhatsi.
Ungavumeli kutsi emakhasimende eve tinkhulumo takho tangasese, kungakakhatsaleki kutsi ngabe kuselucingweni nobe emkhatsini kwemalunga ebasebenti. Sebentisa kutihlatiyela. Ungaphendvuli makhalekhikhini wakho ngaphandle kwekucela imvume yelikhasimende kucala bese uyacolisa emva kwaloko.
Niketa likhasimende sizatfu uma kungahle kudzingeke ushiye indzawo yakho yekusebentela.
Lalelisisa kahle futsi ucinisekise kutsi ubuta yonkhe imibuto lefanelekile lengaholela ekutfoleni imininingwano leshaya emhlolweni. Cinisekisa kutsi uyevisisa, nanobe kungasho kutsi ubite umhumushi atawusita. Cinisekisa kutsi uluvisisa kahle ludzaba labete ngalo ngembi kwekwetama kulusombulula.
Phatsa onkhe emakhasimende ngenhlonipho lephelele futsi ungehluleli emakhasimende ngekubukeka kwawo. Phatsa onkhe emakhasimende njengemakhasimende langahle aphetse liGolide.
Tsatsa sikhatsi sekuchazela likhasimende kutsi kungani sicelo salo sekubolekwa imali sencatjiwe.
Uma likhasimende lingafaneleki kutfola imali yekubolekwa kumkhakha weliTfusi, iSiliva nobe liGolide, mukisa lelikhasimende kumkhakha longenatihibe kakhulu longentasana (Litfusi kuya ekuCatfuleni). Tsatsa sikhatsi nemitamo kutsi usite lelikhasimende ngemkhicito longafaneleka kahle ngekuhambisana netihibe letitawuhlangabetana netidzingo telikhasimende kancono.
Nobe ngusiphi sikhalo kumele sicondziswe kumCondzisi weliGatja.
Ungabeki liphutsa kulolunye luhlangotsi lweliBhangi nobe eNhlokohhovisi. Yemukela kutiphendvulela ngenkinga bese uniketa sibonelelo sesikhashana kukhasimende uma ngabe simo sikuvuma loko.
Gcugcutela emakhasimende kutsi agcwalise luHlamibuto ngemiSebenti yemaKhasimende bese aligcumusela eBhokisini letiPhakamiso kulelo gatja.
Ungalingi utsikamete umlingani ngalesikhatsi asasebenta ngelikhasimende.
Gwema kwenta umsebenti longatsintsani nemakhasimende phambi kwemakhasimende lalindze emgceni.
Cedza loko naloko kucocisana nelikhasimende ngekulibonga lelikhasimende ngeligama kanye nangekuvala ngekutsi "Ube nelusuku loluhle.?
KUCHUMANA NEMAKHASIMENDE: NGELUCINGO
Yatisa labemukela tincingo uma ungaphumeleli kuphendvula tincingo.
Ungakhiphi lucingo esigcotjeni nobe uluyekele lukhale lungaphendvulwa.
Colisa ngekubambisa likhasimende sikhatsi lesidze uma lucingo lukhale sikhatsi lesidze ngalokungenasidzingo.
Moyitela uma uphendvula lucingo.
Bingelela ngalendlela lelandzelako:
Labaphendvula tincingo
LiGatja laseNasipoti leliBhangi leMhlaba, Sawubona, Ngabe ngingakusita kanjani?" Tilwimi letengetiwe tingasetjentiswa ngekutikhetsela.
Uma kunguwe
Sawubona, 'NguZandile lokhulumako', Ngabe ngingakusita kanjani?? Tilwimi letengetiwe tingasetjentiswa ngekutikhetsela.
Buta likhasimende 'Ngikhuluma na ...' khona utawutfola ligama lalo.
Tfola ligama lelikhasimende futsi ulisebentise ngekuvama ekukhulumisaneni kwenu. Cinisekisa kutsi uliphimisela kahle.
Ungabambisi likhasimende sikhatsi lesidze. Lokungenani buta kutsi ngabe kungalunga yini kutsi wena uphindze ulishaye lucingo nobe utsatse umlayeto.
Cinisekisa kutsi ubhala imininingwano yemlayeto kahle.
Dlulisa yonkhe imilayeto kungakapheli imizuzu lengu-30 ngemuva kwekuyitfola (loku kufaka ekhatsi kushiya umlayeto lobhaliwe edeskini lemuntfu).
IMIBUTO NGEMA-AKHAWUNTI EMAKHASIMENDE/TIKHALO
Niketa kulindzeleka lokuphatsekako uma inkinga ingeke isombululeke masinyane. Sebentisa lwati lwakho lweluhlelo kutsi unikete tinsuku letisedvute. Etimeni letiphutfumako, nonophalisa loludzaba ngekusebentisana nemCondzisi weliGatja.
Yiba nekutiphendvulela kuyo yonkhe imibuto idzimate isonjululwe. Ungalingi wengcisele likhasimende kulelinye ligatja ngaphandle uma kudzingeke mbamba.
Sombulula imibuto ngekunonopha lokungaphumeleleka bese ushayela likhasimende ulatise ngesimo sesikhalo salo.
Yatisa emakhasimende njalo-nje ngesimo setikhalo tawo.
Ungalingi wengcisele likhasimende ehhovisi lemCondzisi loweNgamele. Njalo-nje licondzise kusiKhungo sekuNakekela emaKhasimende ku-0800 00 52 59.
Emva kwekucedza ngemidati yekuchumana ?ngekusonjululwa kwenkinga?, ungabuta kutsi ?Ngabe kukhona lokunye lengingakusita ngako namuhla?"
Colisa uma ngabe sicelo kungeke kuhlangatjetanwe naso futsi njalo-nje niketa lokunye esikhundleni. Kwenta sibonelo, kuya ekuCatfuleni (umkhakha wetihibe letincane).
TIKHALO TEMAKHASIMENDE NELIBHOKISI LETIPHAKAMISO
Tfulula liBhokisi letiPhakamiso njalo ngeliviki.
UmCondzisi weliGatja kumele aticaphele tindzaba letitsite ngembi kwekwengcisela luhlamibuto eNhlokohhovisi kutsi luyohlatiywa.
KUPHATFWA KWEMISEBENTI YELIGATJA
Timisele kusebenta ngesikhatsi sekuvula.
Ungaphoceleli emakhasimende ngesikhatsi sekuvala futsi basebenti kumele batimisele kusita emakhasimende ngemuva kwesikhatsi sekuvala.
Emakhasimende kumele emukelwe futsi asitwe kungakapheli imizuzu lengu-15 ngemuva kwekungena egatjeni. Uma kwenteka likhasimende lilindze ngetulu kwaloko, uyacelwa kutsi ulatise ngesikhatsi sekulindza lesisasele futsi ucolise.
KUPHATFWA KWEMISEBENTI YEBASEBENTI
Tikhawu tamalanga onkhe tekuceceshwa nguboNtsanga kumele tifake ekhatsi kukhulumisana kwemizuzu lengu-10 ngeKwatisa ngemSebenti (kuniketwa ngumCondzisi weliGatja) lokwentiwa ngembi kwekuvulwa kweligatja.
Kwetfulwa kwemisebenti ngumuntfu ngamunye kumele kucashelwe ngumCondzisi weliGatja:
Sikhatsi lesitsetfwe sekuphindzela kumakhasimende mayelana nemibuto/netikhalo.
Umoya wekusebenta nebungani.
Kuba nelikhono.
Lwati ngemikhicito.
Kunonopha nekushaya emhlolweni.
Imitamo leyengetiwe letsetfwe.
TICELO TEKUBOLEKWA IMALI
Gcina emakhasimende atisiwe ngenchubekelembili njalo ngelilanga kanye nanjalo ngeliviki.
Shayela emakhasimende lucingo kunekubhala tincwadzi.
TINCWADZI LETIBHALIWE
Lulwimi nekupela kumele kuhlolwe futsi tonkhe tincwadzi kumele tingabi nemaphutsa.
Akukho tincwadzi letibhalwe ngesandla lokumele titfunyelwe kumakhasimende.
Sebentisa emaphepha ekubhala lanemininingwano lefanelekile yekuchumana neligatja phasi. Hlola kutsi lemininingwano lephasi nelikhasi ilungile futsi isesikhatsini.
Ungasebentisi emaphepha ekubhala lamadzala, emaphepha encwadzi, timvilophu njll.
Caphela kutsi emaMemorandamu ekusetjentiswa ngekhatsi kuphela.
KUGCINA EMAKHASIMENDE
Landzela konkhe kucishwa kwetimali tekubolekwa kanye nemakhasimende lakhokhe yonkhe imali lebolekiwe.
Lelilunga lebasebenti lebelitsintsana nelikhasimende mayelana nemali lebolekiwe (uma likhona) kumele livakashele nobe lishayele likhasimende lucingo kutsi litfole tizatfu tekutsi kungani lelikhasimende likhokhe yonkhe imali lebolekiwe nekugcugcutela ibhizinisi lechubekako.
Yonkhe imitamo kumele yentiwe kutsi kugcinwe emakhasimende etekuhweba.
Tfumela luhlamibuto lwekukhulumisana ekuphumeni kumakhasimende lacisha nobe lakhokha yonkhe imali lebolekiwe.
SITFUNTI SELIGATJA
Lelo nalelo gatja kumele libonise imifaniswano leyemukelwe yenkapani ngekhatsi nangephandle.
Ema-awa ekusebenta kumele abhalwe ngalokucacile.
Yonkhe imifaniswano kumele ibe sesimeni lesishayemhlolweni. Timphawu tekhompuyutha netimphawu letibhalwe ngesandla ephepheni tananyatseliswa eminyango naselubondzeni kumele tisuswe bese kufakwa imifaniswano lengcivitiwe.
Akukho tinamatselisi lokumele tisetjentiselwe kulengisa timphawu nobe imifaniswano.
Yonkhe imifaniswano yangephandle kumele ihlanteke futsi ibe sesimeni lesisebentako uma ikhanyiswa.
Yonkhe imifaniswano yangekhatsi kumele ihlanteke futsi ibe sesimeni sekusebenta.
Timbeji temagama kumele tifakwe ngaso sonkhe sikhatsi.
Akukho kubhema, kudla nobe kunatsa lokumele kwentiwe ngembi kwemakhasimende kulo lonkhe ligatja.
Gcina tonkhe tindzawo letisemehlweni emakhasimende tihlantekile futsi tinebucwepheshe.
Uyacelwa kutsi ucinisekise kutsi sitfunti seligatja siyagcinwa kantsi uma kuphumeleleka lungisa tintfo tekusebenta/imphahla lephukile.
Lubondza lweligatja kumele luhlanteke futsi lungabi nemabala.
Emafasitelo kumele ahlanteke futsi angabi ngulaphukile.
Phasi kumele kungabi nemabala futsi kuhlanteke.
Emakhethini/tivalamafasitelo kumele tihlanteke, tingabi nguletiphukile, atibe ngebunono futsi tigcogceke.
Tibani kumele tibe sesimeni lesisebentako. Tindzawo tekusebentela kumele tibe nguletikhanya kahle.
Titjalo kumele tihlanteke. Akufuneki timbali tekwentiwa etindzaweni tekusebentela.
Kumele kube netitja temlotsa letenele etindzaweni tekusebentela.
Akufuneki tatiso tebasebenti tibekwe etindzaweni tekusebentela.
Tindzawo tebasebenti kumele tihlanteke futsi tibe tigcogcekile ngaso sonkhe sikhatsi.
Ngulowo nalowo mcashwa wasegatjeni kumele akwetayele kubukeka kweligatja futsi asite ekugcineni kubukeka kwebucwepheshe ngaso sonkhe sikhatsi. Bonkhe basebenti kumele bagcoke timphahla temsebenti/tasehhovisi letemukelekile.
Emabhrosha lanele kumele abekwe ngebunono etindzaweni tekusebentela.
SIPHETFO
Njengobe sikholelwa ekutseni kunakekelwa kwemakhasimende kubalulekile emphumelelweni yeliBhangi leMhlaba, lesiBophelelo semiSebenti lesingenhla sitawusetjentiswa ngaso sonkhe sikhatsi.
Bonkhe basebenti labaniketa lusito kumakhasimende kumele batfole loluhlelo lwekuceceshwa lwekuSebenta lokuseZingeni leliPhakeme kaKhulu loluniketwe baCeceshi labanguboNtsanga. Bompetsa belusito lwemakhasimende bendzawo batawuchuba loluhlelo. Loku kutawucinisekisa kutsi siyafinyelela kumigomo yetfu yemiSebenti.
Uma ungenasiciniseko ngekutsi ngabe Mpetsa wakho weluSito lwemaKhasimende egatjeni lakho ngubani uyacelwa kutsi utsintsane natsi.
Uyacelwa kutsi utive ukhululekile kutsi uchumane neLitiko letekuTsengisa nekuKhangisa uma ungaba nanobe ngumuphi umbuto ngaloku lokungenhla.
Litiko lemiSebenti yemaKhasimende
LIBHANGI LEMHLABA:
Lucingo: 012-312-3999
Ifeksi: 012-323-1410
Lucingo lwamahhala: 0800 00 52 59
